قصة حقيقية .. رواها مهاجر
خاص منبر اللقاء المعروفي .. قصة حقيقية رغم مرارتها
أنا وراجع على لبنان بالطيارة، طلع قاعد حدي زلمي ختيار، جايي من ميشيغان. شوي شال من جيبتو تذكرته القديمة، وباسبور لبناني قديم وباسبور أميركاني.
مواليد 1933، هاجر على ميشيغان سنة 1962، كان درس كهرباء سيارات و ما لاقى شغل بلبنان. أصحابو يلي سبقوه بالهجرة، لاقولوه شغل بميشيغان بشركة فورد. هو وعم يخبرني قصته، قللي اشتغلت 5-6 سنين عملت قرشين وقررت ارجع على لبنان. فرجع لاقى أمّو مريضة، ومش قادرين يفوتوا مشتشفى. نزّلها من الشمال ع بيروت، قعدت شهر بالمستشفى وماتت…
بعدين، فوّت بنتو على المدرسة. قال ما في مدرسة منيحة قريبة عالضيعة، قام استأجر بيت ببيروت. وقللي بتعرف لبنان كل ما بدك تعمل شي ، بدك واسطة، او بدك تضطر تبرطل. رجع قرر ياخذ العيلة ويهاجر. راح فتح liquor store ب بميشيغان ،هونيك علم ولادو مجانا، بنتو هلق صارت قاضية. عم يتحكم هونيك كمان مجانا… قال لي هونيك بعدني عايش وصار عمري 85! لو كنت بلبنان كنت متت على باب المستشفى. سألتو يا عمّ وهلق ليه راجع ووحدك؟ قال لي هلق بعد فيني سافر ، جايي ودع الضيعة وارجع موت بميشيغان.
هيي وعم تغط الطيارة…
سألني ” الزبالة بعدا عالطرقات؟”
#استقلال مين !!
#عمل #صناعة #لا_مركزية #استشفاء #طبابة #ضمان_شيخوخة #قضاء #مؤسسات #قانون #نظام #تعليم
#لبنان #ميشيغان #true_story #Shareit
وضع لبنان من سيئ الى اسواء .. الى متى هذا الصمت الجماهيري الى متى هذا الاستهتار .. الى متى سنبقى نبكي على الاطلال .. الى متى سنبقى الرجال خلف قضبان وقمصان وابواب السياسين وياتمرون بخواطرهم . ان خيرت بين حزبك وضميرك .. فاصرخ انا هنا .. ان خيرت بين ولائهم و وطنك .. فالوطن باقي .. ان خيرت بين حياة الاموات والشهادة .. فالموت حياة لارضك و وطنك وتاريخك ومستقبل اولادك ..
قم يا رفيقي وانتفض على الفساد على النظام الطائفي .. على السلطة الفاسدة .. قف مواقف الرجال فلم يعد للانتظار مجال ..
#زيادبوغنام
