(مش عَيب تحكو بْعِيد إستقلال !
???
صار الوطن يبكي على رجالو
وسائِت بكل مْجال أحوالو
إبن الوطن عاطل عن الأعمال
وعاجز يجيب الخبز لعيالو
والأجنَبي عايش بِأحسن حال
إبن البلد بيقول : نيَّالو
عندو دَخل عَمَّال عا بَطَّال
وعندو إعاشِة وشُو على بالو
وأهل الحِكم عندن خزاين مال
وكل شخص منهن قبلِتو مالو
فوضى وفساد وزاد شغل البال
والشعب خانع زاد إذلالو
لَنُّو استِحو مْنِ شْماتة الأجيال
العندو ضمير : يخاف عا حالو
مش عيب تحكو بْعيد إستقلال
ومافي حدا منكن قرارو حُر
ومافي حدا بيمون عا حالو !؟!.
……………………………………
كِلما لبنان بْهالحال
ومَقسومة الدولةقِسمَين
ضْروري بْكلمة “إستقلال”
نِب دُل حَرف القاف بْغَين .
تصبحون يوماً ما : على إستقلال ناجِز
منير أبو سَعِيد 2018/11/22
